Microsoft компанияси ҳаммуассисларидан бири Пол Аллен Global FinPrint лойиҳасига 4 млн доллар ажратди. Бу ҳақда Inquisitr портали хабар қилмоқда.
Таъкидланишича, Global FinPrint коралл рифларида истиқомат қилувчи наҳанглар ва скатларни тадқиқ қилишга бағишланган энг йирик лойиҳалардан бири бўлади. Шу йўл билан тадқиқотчилар ушбу жониворларнинг жаҳон акваториясидаги миқдори ҳақида маълумот тўпламоқчи.
Лойиҳа 2015 йилнинг августида бошланади. Ҳисоб-китоблар 3 йил давомида олиб борилади. Тадқиқотчилар уч географик зонада 10-100 м чуқурликка камералар ўрнатади. Булар ўз ичига Ҳинд ва Тинч океани акваторияларини олувчи Ҳинд-Тинч океани минтақаси, Атлантика океанининг тропик зонаси ҳамда Африканинг жанубий ва шарқий қирғоқлари яқинидаги ороллардир.