Ўзбекистон президенти Ислом Каримов россиялик ҳамкасби Владимир Путин билан учрашув чоғида унда Шанхай ҳамкорлик ташкилотида Ўзбекистоннинг раислик қилиши ва ташкилотнинг кенгайиши борасида саволлари борлигини маълум қилди.
“Айтишим керакки, менда жуда кўп саволлар бор, уларга сиздан жавоб кутаман. Фақат сиз менга аниқ, тўғри жавоб беришингиз мумкин. Бизнинг раислигимиз билан боғлиқ равишда туғилаётган мураккаб саволларга”, – деди у Путинга мурожаат қилиб.
Эслатиб ўтамиз, Уфада 8-10 июль кунлари ШҲТ ва БРИКС саммитлари ўтказилади. Жорий йилда ҳар икки ташкилотга Россия раислик қилмоқда.