Россия президенти Владимир Путин Қозоғистон президенти Нурсултон Назарбоевни Евроосиё интеграцияси жараёнлари ва кўп мақсадли Россия-Қозоғистон ҳамкорлигини ривожлантиришга қўшаётган катта ҳиссаси учун “Александр Невский” ордени билан тақдирлади.

“Сиз биласиз, нафақат мен, балки бизнинг мамлакат сизга ҳурмат ва эҳтиром ила қараймиз ҳамда сизнинг хизматларингиз, интеграцион жараёнлар масалаларида кўрсатган жонбозлигингиз учун сизни тақдирлашга қарор қилинди”, деб айтди Путин ва Нурсултон Назарбоевга ушбу орденни топширди.

Назарбоев ўз навбатида нафақат Путинга, балки бутун рус ҳалқига, Уфадаги саммитда ишлаётган ОАВларга аъло даражадаги ишлари учун миннатдорчилик билдирди.

Ўз навбатида Путин Назарбоевни орден билан табриклади. “Бу ҳақиқатда жанговар мукофот бўлди. Арзийдиган ишлар бор”, деб Назарбоевни қутлади Путин.

“Александр Невский” ордени давлат қурилишидаги алоҳида кўрсатган хизматлар, кўп йиллик ҳалол хизмат ва хизмат вазифаларини бажаришдаги юқори натижалар, Россиянинг халқаро нуфузи ва мудофаа қобилиятини мустақкамлашдаги хизматлар, иқтисодиёт, таълим, фан, маданият, санъат ва соғлиқни сақлашни ривожлантиришдаги хизматлар учун берилади. Бу мукофот, шунингдек, атоқли хорижий сиёсатчилар ва жамоат арбобларига ҳам берилади.