Қирғизистон Шанхай ҳамкорлик ташкилотининг молиявий институтлари, шу жумладан, тараққиёт банкининг яратилиш жараёнини тезлаштириш тарафдори. Бу ҳақда мамлакат президенти Алмазбек Атамбаев Уфада бўлиб ўтаётган ШҲТ саммитидаги чиқишида маълум қилди.
“Биз келишувларимизни тезлик билан амалиётга кўчиришга чақирамиз. Бу йўналишда энг долзарб ва бирламчи вазифа деб ШҲТнинг лойиҳавий фаолиятни ва иқтисодий ҳамкорлик дастурларини молиявий қўллаб-қувватлашга қаратилган молиявий институтини яратишни кўрмоқдамиз”, – унинг сўзларини келтиради ТАСС агентлиги.
Атамбаев барча раҳбарларга ўз ҳукуматларига ШҲТ тараққиёт банки ва жамғармаси лойиҳасини қайта ишлаб чиқиб, дарҳол амалга оширишга кўрсатма беришни тавсия қилди.