Қозоғистоннинг Қарағанда вилоятида фирибгарликда айбланган сайёҳлик фирмаси фош қилинди. Бу фирма фаолият юритиб келаётган даврда 23 нафар фуқарони алдаб кетган, деб ёзмоқда Қарағанда ички ишлар департаменти матбуот хизмати.

Сайёҳлик фирмаси иссиқ ўлкаларда дам олиш учун фуқаролардан пул йиғиб олган ва ҳеч қандай саёҳат ташкил қилмаган. Бу борада 23 нафар жабрланувчи мурожаат қилди, деб ёзилади ташкилот хабарида.

Беш йилдан буён фаолияти юритиб келаётган мазкур фирма сўнгги пайтларда молиявий қийинчиликлар гирдобида қолган. Шу мақсадда улар анча арзон нархларда сайёҳлик пакетларини таклиф қилган ва фақат нақд пулда тўловларни қабул қилишган. Ҳозирда турли таклифлар бўйича пул тўлаган 100га яқин фуқаролар саёҳатга чиқа олмай туришибди.

Мазкур иш юзасидан жиноят иши қўзғатилган. Суриштирув ишлари олиб борилмоқда.