Сибир федерал округида 93 минг гектардан иборат ўрмонларнинг 51,5 минг гектарлик ҳудудини ёнғин қамраган. Бу ҳақда округ ўрмончилик хўжалиги сайтида хабар қилинган.

9 июль куни ҳудуддаги 1,4 минг гектар майдондаги 23та ёнғин ўчоғи бартараф этилган.
Ўт ўчириш ишларига 1600 киши, 228 дона ўт ўчириш машинаси ҳамда 18та вертолёт жалб қилинган.

Хакасия, Бурятия, Байкал орти ўлкаси, Красноярск ўлкаси ҳамда Иркутск вилоятида фавқулодда ҳолат жорий этилган.