Хитой маҳсулотларни жаҳон бозорида сотиш учун ШҲТ мамлакатлари ўртасида қўшма корхоналар ташкил этиш таклифини билдирди. Хитой раҳбари Си Цзиньпинь Уфа шаҳрида ўтказилаётган саммит вақтида шундай таклиф билан чиққан.

"Маҳсулот ишлаб чиқаришда биз Қозоғистон ва минтақадаги бошқа давлатлар билан муваффақиятли равишда ҳамкорлик қилиб келмоқдамиз. Энди бу алоқаларни ривожлантириб, ишлаб чиқарган маҳсулотларимизни халқаро бозорда сотиш учун ҳамкорликни йўлга қўйишимиз керак", деди хитойликлар етакчиси ШҲТ кенгашининг кенгайтирилган таркибда ўтказилган йиғилиши вақтида.

У Хитой томони ишлаб чиқариш ишларидаги ҳамкорликни чуқурлаштиришга тайёр эканини маълум қилган.