АҚШда ўз ёлғон ташхислари билан мижозларрнинг соғлигига зарар етказишда айбланган онкологга 45 йиллик қамоқ жазоси тайинланди. Бу ҳақда CNN телеканали хабар қилди.

Аниқлик киритилишича, Фарид Фата исмли ушбу шифокор Детройт шаҳрида асаб хасталиклари бўйича ташхис қўйиш билан шуғулланган. У соғ одамларга ҳам саратон хасталиги ташхисини қўйиб, уларга химиятерапия қилишни буюрган ва уларнинг соғлигига жиддий зарар таҳдид қилган.

"Мен Гиппократ қасамини буздим ва мижозларимнинг ишончини поймол қилдим. Мен бу айбимни қандай ювишни ҳам билмайман. Мен бу қилмишимдан қаттиқ афсусдаман ва қанчалик уялаётганимни сўз билан изоҳлаб бера олмайман", деб иқрор бўлади жиноятчи шифокор.

Прокурорлар уни "мамлакатнинг биринчи рақамли фирибгари" деб аташган. Ундан ўзи қўйган ёлғон ташхислар орқали суғурта компанияларидан олган 17,6 млн доллар ундириб олинган.