АҚШ Давлат департаментининг расмий вакили Марк Тонер Россияни АҚШ учун бош хавф деб ҳисобламаслигини айтди.

“Биз Россия билан унинг Украинадаги хатти-ҳаракатлари туфайли муайян келишмовчиликларга эгамиз. Бироқ биз буни АҚШ учун ҳаётий хавф деб ҳисобламаймиз”, деб айтди Тонер матбуот-анжуманида.

Аввалроқ Штаблар бошлиқлари бирлашган қўмитаси раиси лавозимига номзоди таклиф этилган АҚШ денгиз пиёда аскарлари корпуси қўмондони Жозеф Данфорд Сенатда чиқиши пайтида Россияни асосий хавф деб билишини айтган эди. Кейинроқ Оқ уй унинг бу фикрини қўллаб-қувватламаслигини таъкидлади.

Тонер АҚШ Данфорд Россиядан кейинги 2-рақамли хавф деб айтган Хитойни ҳам бундай хавф деб билмаслигини айтди.

“Давлат котиби "ИШИД" террорчилик ташкилотини, айниқса давлатлар ҳукуматлари назоратида бўлмаган ҳудудларда асосий хавф деб билади”, деб айтди Тонер.

Тонер АҚШ Россия билан келишмовчиликларга эга бўлсада, бир қатор муҳим масалалар, хусусан Эрон бўйича ҳамкорлик қилаётганини таъкидлаб ўтди.