Греция парламенти мамлакат бош вазири Алексис Ципрас ва унинг делегациясини мамлакат томонидан кредиторлар институтлари давлатларига юборган шартлар асосида кредиторлар билан келишув имзолашга ваколатли шахс этиб тасдиқлади, деб хабар бермоқда Reuters ахборот агентлиги.

Бош вазир Алексис Ципрас, бош вазир ўринбосари Яннис Драгасакис ва молия вазири Эвклид Цакалотосни келишувни тузиш бўйича вакил қилиб тайинлаш қарори парламентнинг навбатдан ташқари ялпи мажлиси давомида қабул қилинди.

Муҳокама давомида парламент томонидан келишувни имзолашга делегациянинг ваколатлари кўриб чиқилди, музокаралар якунлангандан кейин унинг матни депутатларнинг маъқуллашидан ўтиши учун яна парламентга юборилади.

Аввалроқ Греция парламенти раиси мамлакат қарзини ноқонуний деб айтган эди.