АҚШ президенти Барак Обама АҚШда жиноий судлов тизимининг аҳволи ҳақидаги теледастур доирасида мамлакат тарихида биринчи марта федерал қамоқхонага ташриф буюради. Бу ҳақда Variety нашри хабар бермоқда.

Обама 1,2 минг маҳбус сақланадиган Оклахома штатидаги Эль Рино қамоқхонасига йўл олади.

Обама ташрифи чоғида қамоқхонани кўздан кечириб чиқади ва маҳбуслар, қамоқхона ва ҳуқуқ-тартибот муассасалари ходимлари билан учрашади. Обаманинг бу ташрифи мамлакат тарихида биринчи марта содир бўлади. Теледастур муаллифларининг фикрича, томошабинлар президент жиноятчилик муаммосига қандай муносабатда эканлигини кўришлари мумкин бўлади.

Дастур HBO телеканалида куз пайтида эфирга узатилади.