Ўзбекистон Президенти Ислом Каримов Уфада бўлиб ўтган ШҲТ саммити доирасида Россия президенти Владимир Путин билан учрашуви давомида Путиннинг дипломатик қобилиятларига юқори баҳо берди ва Уфадаги об-ҳавонинг мўътадиллиги, шаҳар аҳолисининг ўзига хослиги ва шаҳардаги бунёдкорлик ишларига тўхталиб ўтди.

“Уфа мен учун мутлақ кутилмаган воқелик бўлди. Мен Қозонда, бошқа шаҳарларда бўлганман, лекин Уфада биринчи марта бўлишим. Бу ердаги иқлим ҳам ўзига хос. Эрталабдан ёмғир ёғмоқда. Бу иқлим биз учун ноодатийроқ. Бу иқлимни балки кимдир кўтара олмаса керак, бироқ бизда ҳозир Тошкентда 40 градус, жанубий ҳудудларда эса ундан ҳам юқорироқ ҳарорат бўлган бир пайтда бундай об-ҳаво бир сўз билан айтганда Худонинг марҳаматидек туюлади ва бизга жуда ҳам хуш келади. Бу ернинг одамлари ҳам ўзига хос. Бу ердаги иморатлар, бинолар Уфанинг ўз миллий қиёфасига эга замонавий шаҳар эканлигидан дарак беради. Мен сизнинг кўпгина шаҳар ва вилоятларингизга ҳавасим келади, улар кейинчалик сизнинг ўз қарашингиздан келиб чиқиб у ёки бу катта миқёсдаги анжуман ёки учрашувни қабул қилади. Кеча биз учрашув ҳақда гапираётгандик, бугун эса ШҲТ йиғилиши ҳақида гап кетмоқда. Кеча мен журналистлар йўғида айтгандим ва ҳозир улар олдида яна бир бор қайтараман – кечаги учрашув ўзига хос ноёб воқеа бўлди, чунки унда 4 қитъа вакиллари учрашдилар. Бундай ноёб учрашувни фақатгина Путин ўтказа олиши мумкин. Мен ўз сўзларимнинг ҳақиқатлигига тўлиқ ишонаман, чунки бунинг учун нафақат раҳбар, балки катта дипломат ҳам бўлиш керак. Ва мен сизни бу билан табриклайман”, деб айтди Ислом Каримов Путин билан суҳбати чоғида.