Италиянинг Миср пойтахти Қоҳира шаҳри марказидаги консулхонаси олдида кучли портлаш юз берди.

AFP нашри хабар қилишича, бу портлаш 11 июль куни тонгида рўй берган ва консуллик биносига жиддий зарар етказиб, 2 нафар қўриқчи ҳамда 3 нафар полициячининг жароҳатланишига сабаб бўлган.

Хабарда айтилишича, портлаш натижасида кўчадаги канализация тизимига ҳам шикаст етган.

Портлашнинг аниқ сабаби маълум қилинмаган, баъзи хабарларга кўра, бу автомобилга ўрнатилган бомба орқали амалга оширилган теракт бўлган.

Айни вақтда консулхона ёпилган. Теракт учун жавобгарликни ҳозирча ҳеч қайси ташкилот ўз зиммасига олмаган.