«Topkapi Saray» (Туркия, Истанбулда жойлашган) — «Тўпқопи саройи» ёки «тўп(замбарак)ли дарвоза» деб таржима қилиш мумкин.


Саройнинг бундай номланишининг сабаби бор, албатта. Чунки султоннинг саройга кириш ва чиқиш вақтида ҳар доим забарак отилган. Шунингдек, айнан шу ерда Византия салтанати дарвозаси жойлашган, деган қарашлар ҳам мавжуд.


Мазкур мухташам сарой 1924 йилдан музейга айлантирилган. Бир неча юз йиллар оврўпа услубидаги “Дўлмабоғча” саройи қурилгунига қадар султонлик қароргоҳи вазифасини ўтаган.



Тўпқопи музейи павильонларида пайғабаримиз Муҳаммад (с.а.в) га тегишли муқаддас эсдаликлар (олтин шамшир, камон, қаҳрабодан ишланган муҳр, кумуш тахтиравон, табаррук соқол толаси, оёқ излари) миллионлаб одамларнинг қизқишларини уйғотиб келади.

Султонлар ҳар йили рамазон ойида Муҳаммад (с.а.в) нинг муқаддас буюмлари сақланадиган жойни зиёрат қилишган.

Бу нодир ашёларни султон Салим I 1517 йили Мисрни фатх қилган чоғда олиб келган.

Бундан ташқари “Тўпқопи саройи”да яна кўплаб қимматбаҳо осори-атиқалар ҳам жой олган. Улар орасида Абу Бакр (р.а), Умар, Усмон ва Али (р.а), шунингдек, муқаддас Каъба дарвозаси калитлари ҳам мавжуд.

Манба: Muxlis.uz