Россиялик теннисчи қиз София Жук ёшлар ўртасида Уимблдон мусобақасининг ғолиби бўлди. У мусобақа финалида ҳамюрти Анна Блинковани 7:5, 6:4 ҳисобида мағлуб этди. Учрашув 1 соат 18 дақиқа давом этди.

Бу Жукнинг ёшлар ўртасидаги Катта дубулға мусобақаларидаги биринчи унвони бўлди. Жук аввалроқ жорий йилда ёшлар ўртасида Франция очиқ чемпионатида иштирок этиб, мусобақани 2-даврада тарк этган эди. Россиялик ёш теннисчининг ҳисобида ITF мусобақаларидаги битта ғалаба бор – Жук 2014 йилда Чимкентда бўлиб ўтган мусобақанинг ғолиби бўлган.