“Барселона” клубининг собиқ бош директори Жоан Оливер ҳужумчи Неймар клубга қандай пулга айланиши мумкинлиги ҳақидаги фикрини айтиб ўтди.

“Барселона”нинг яқин йиллардаги молиявий истиқболларига қараганингда, Неймарнинг якуний баҳоси қандай бўлиши мумкинлиги ҳақидаги масала туғилади.

Айни пайтда Неймар клубга 100 млн еврога тушган. Суд тафтишлари ва солиқ тўловлари бу қийматга яна 122 млн евронинг қўшишилишига олиб келиши мумкин. Натижада Неймар “Барселона”га 222 млн еврога айланиши мумкин”, деб айтди Оливер.

Агар клубнинг президентлик сайловларида Жоан Лапорта ютадиган бўлса, Оливер клубга қайтиши мумкин.

2013 йилда “Барса” Неймар учун “Сантос”га 57,1 млн евро тўлаганини айтган. Бироқ кейинроқ ўйинчининг трансфер қиймати 86,2 млн еврони ташкил қилгани маълум қилинган.

Неймарнинг клубга ўтиши билан боғлиқ суд жараёни туфайли Сандро Росель “Барселона” президенти лавозимини тарк этишга мажбур бўлган. Росель футболчининг битимида 40 млн евро яширганликда айбланган. Бундан ташқари, жамоа Испания ғазнасига 9 млн евродан кўпроқ солиқ тўламагани маълум қилинганди.