Бразилияда 10 мингга яқин балиқ вақтинчалик аквариумларда “дунёдаги энг катта чучук сувли аквариумга” ўтказилиши пайтида нобуд бўлди. Бу ҳақда Folha нашри хабар бермоқда.

ОАВ маълумотларига кўра, Африка, Осиё ва Океаниядан олиб келинган балиқлардан 80 фоизи сувнинг ҳарорати, 10 фоизи касаллик ва яна 10 фоизи эса транспортировка пайтида дош бера олмай нобуд бўлди. Мутахассисларнинг фикрича, балиқларнинг ўлимига сувнинг яхши тозаланмаганлиги таъсир қилган.

Қайд этилишича, Кампу-Грандидаги аквариум қурилиши собиқ губернаторнинг лойиҳаси бўлган ҳамда 2014 йилда битказилиши керак эди. Аквариумнинг баҳоси 170 млн долларга баҳоланган.