“Торино” ҳимоячиси Маттео Дармиан расман “Манчестер Юнайтед” ўйинчисига айланди.

25 ёшли футболчи “МЮ” билан “4+1” схемаси бўйича, яъни бир йилга узайтириш эҳтимоли билан 4 йиллик шартнома имзолади.

Аввалроқ манкунианликлар Дармианнинг трансфери учун 20 млн евро тўлашлари маълум қилинганди.

Дармиан Италия терма жамоаси сафида 13 та ўйин ўтказган, “Торино” сафида эса 2011 йилдан бошлаб 146 та ўйинда майдонга тушиб, ўз ҳисобига 5 та гол ёзиб қўйган.