Россия Давлат думасининг халқаро ишлар бўйича раҳбари Алексей Пушков Украинага қурол-аслаҳа етказиб берилиши борасида кимнинг айтаётган гапига ишониш кераклиги ҳақидаги масалани кўтармоқда.

“Украинанинг АҚШдаги элчиси Чалий Украина аллақачон АҚШ ва Европанинг 10та давлатидан қурол-аслаҳа олаётганини айтмоқда. Обама маъмурияти буни тан олмаяпти. Кимга ишониш керак?”, деб ёзмоқда сиёсатчи ўзининг твиттерида.

“АҚШ Обаманинг айтаётган гапларига қарамай, махфий тарзда Украинага қурол-аслаҳа етказиб бериши мумкинми?”, деб ўз сўзини давом эттиради Пушков.

Пушковнинг фикрича, АҚШ бу маълумотни ёки тасдиқлаши, ёки инкор этиши керак.

Аввалроқ Украинанинг АҚШдаги янги элчиси Валерий Чалий Украина фаол равишда Ғарбнинг 10дан ортиқ давлатидан қурол-аслаҳа, жумладан қирғин қуролини олаётганини эълон қилган. Бундан ташқари, элчининг айтишича, АҚШда Украинага кўпроқ қурол-аслаҳа етказиб бериш фикри кенг равишда қўллаб-қувватланмоқда.