Март ойида Тошкент ҳайвонот боғига ташриф буюрувчилар учун янгилик сифатида бу ерда Тропик капалаклар уйи ташкил этилганди.

"Правда Востока" нашрида ёзилишича, айни кунларда бу улкан хонага кирилганда, ҳамма жойда 26 турдаги чиройли ва ранг-баранг капалаклар учиб юради.

Хабарда таъкидланишича, бу хонада август ойидан бошлаб капалакларнинг турлари ва сони кўпайтирилади.

"Капалаклар уйида Евроосиё ва Америка қитъаларидан келтирилган капалаклар мавжуд. Бу ерда бежирим ҳашоратларнинг яшаши учун барча шароитлар, сунъий сув ҳавзалари, дарахтлар, гуллар ва албатта ҳавонинг керакли ҳарорати мавжуд. Яқин вақт ичида шароитлар янада яхшиларниб, капалакларнинг турлари кўпайтирилади", дейди "Тропик капалаклар уйи" директори Муқаддас Шодиева.

Ушбу лойиҳа Тошкент ҳайвонот боғи ва Ботаника боғи ходимларининг амалий ёрдами эвазига амалга оширилган. Капалакларнинг умри жуда қисқалиги туфайли ташрифчилардан уларга қўл билан тегмаслик сўралган.