ИИВ матбуот хизматининг хабар қилишича, Бухоро вилоятининг Пешку туманида яшовчи Робия исмли аёл маҳаллий ИИБга мурожаат қилиб, кимдир тунда унинг уйига кириб, 1.5 минг доллар пулини ўғирлаб кетганини айтган.
Мазкур ҳолат юзасидан ички ишлар идоралари ходимлари томонидан олиб борилган чора-тадбирлар натижасида ўғирликни жабрланувчининг Мўмин исмли ҳамқишлоғи содир этгани аниқланди. Маълум бўлишича, у Робиянинг уйига девор ошиб кирган ва пулларни олиб чиқиб кетган.
Гумондорнинг қилмишига тергов жараёнида ойдинлик киритилиши айтилмоқда.