Наманган шаҳридаги тиббиёт коллежларидан бирида узоқ йиллардан буён дарс бериб келган 50 ёшли Муаззам Саматова 1.2 минг доллар пора олиш пайтида қўлга олинди. Бу ҳақда “Ҳуқуқ” газетаси хабар бермоқда.
Айтилишича, танишларидан бири унга қўнғироқ қилиб, 3та жияни борлиги ва барчаси тиббиёт коллежига ўқишга кириши кераклигини, аммо улардан бирининг 9-йиллик мактабни тамомлагани ва ҳужжатларида муаммоси борлигини айтган. Саматова ундан пул тама қилган. Порани Саматова таниши Шоҳида исмли аёл орқали олган. Аммо пулларни олиш жараёнида ҳуқуқ-тартибот ходимлари уни қўлга олган.