Вазирлар Маҳкамасининг 2015 йил 3 июлдаги қарори билан ҳукуматнинг жиноий даромадлар легализациясига қарши кураш миллий тизимини яратиш бўйича айрим қарорларига ўзгартиш ва қўшимчалар киритилди.
Махсус ваколатли давлат органи билан бирга ноқонуний даромадни легаллаштиришга қарши молия вазирлиги, Давлат рақобат қўмитаси қошидаги қимматбаҳо қоғозлар бозорини ривожлантириш ва мувофиқлаштириш маркази ҳамда хусусийлаштириш, монополиядан чиқариш ва рақобатни ривожлантириш давлат қўмитаси курашадилар.
Тилга олинган вазирлик ва идоралар ушбу тизим қоидаларини мониторинг, назорат қилиш ва текшириш ишларини амалга ошириб боради. Қонунбузарликлар қайд қилинган тақдирда улар қонунчиликда кўрсатилган тартибда чоралар кўришга ҳуқуқли бўлади.