Қашқадарё вилояти Косон туманининг Бойтерак қишлоғида яшовчи, муқаддам икки бор судланган Баҳодир Ашуров турли одамлардан йирик миқдорда пул ундирганликда айбланиб қўлга олинди. Бу ҳақда “Ҳуқуқ” газетаси ёзмоқда.
Келтирилишича, у тадбиркор Рауф Худойбердиевнинг машина ювиш шохобчаси очиш ниятида карчер сув пуркагич мосламасини сотиб олиш нияти борлигини билиб, ундан алдов йўли билан 12.3 млн сўмни алдов йўли билан олган; қариндоши Улуғбек Кўчаровни турли баҳоналар билан алдаб, ундан бир ҳафтада қайтариш шарти билан 16 млн сўм олиб кетган.
Бундан ташқари, Ашуров Аброр Ҳусанов исмли шахснинг қўлидаги пластик картадан 26.248 млн сўмни ечиб олган. Бундан хабар топган Ҳусанов дарҳол прокуратурага мурожаат қилган. фирибгар қўлга олиниб, пуллар ўз эгаларига қайтарилиши таъминланган.