Қўқон шаҳрида истиқомат қилувчи 23 ёшли Қаҳҳор исмли йигит сартарошхонада маҳалладоши Ҳайдар билан талашиб қолиб, унга мушт кўтарди. Бундан ғазабланган Ҳайдар акасини телефон орқали чақирди.
Қаҳҳор уйга кириб, пичоқ кўтариб чиқди ва Ҳайдарни кечки пайт кимсасиз бўлган мактаб ҳовлисига бошлади. Бу пайти Ҳайдарнинг акаси Бекзод дўсти Муҳсин билан воқеа жойига етиб келди. Болаларнинг тўпланиб турганини кўрган маҳалладош Маҳмуд ака жанжални тўхтатиш учун мактаб олдига йўл олди.
Қаҳҳор Бекзодга ташланиб, унинг қорнига пичоқ санчди ва панжара ошиб қочиб кетди. Маҳмуд ака дарҳол воқеа жойига тез тиббий ёрдам машинасини чақирди. Аммо Бекзоднинг шифохонага етиб бормасдан жони узилди.
“Ҳуқуқ” нашрининг ёзишича, Қаҳҳор қўл урган қотиллиги учун 16 йилга озодликдан маҳрум қилинди.