Романовлар сулоласи вакиллари Россия ҳукуматига мурожаат қилиб, Императорлик уйига расмий мақом беришни сўрайди. Бундан ташқари, улар Москва ҳокимиятидан Уй раҳбари, буюк княгиня Мария Владимировна учун қароргоҳ ажратишни сўрайди. Бу ҳақда сулоласи девонхонаси раҳбари Александр Закатовга таянган ҳолда “Москва 24” ресурси хабар қилди.
Закатовнинг сўзларига қараганда, Императорлик уйининг расмий тан олиниши уни сохта намояндалардан асрашга ёрдам беради: “Аллақандай унвонлар ёрдамида Романовлар рамзларидан фойдаланувчи сохта намояндалар бор. Романовларнинг тарихий мероси ва муаллифлик ҳуқуқи давлат томонидан ҳимояланиши мумкин”.
Оила раҳбари йилига бир неча маротаба Москвада бўлади, шу боис унга расмий қароргоҳ керак бўлади. Шу билан бирга, матбуот котиби гап сулола бойликларини қайтариш ҳақида кетмаётганлигини таъкидлаб ўтди: “Гап фақат янги уй қурилиши, сотиб олиниши ёки оғир аҳволдаги бирор бинони қайта тиклаш ҳақида кетмоқда. Романовлар оиласининг даромадлари катта эмас, шу боис ишлар хорижий инвесторлар кўмагида амалга оширилиши мумкин”.
Президент маъмурияти ушбу мурожаатни кўриб чиқишга тайёрлигини маълум қилди.