КХДРда янги Byol интернет провайдерининг хизматлари ишга туширилди. Шимолий Корея мутасаддиларининг фикрича, у маҳаллий монополист Koryolink билан рақобатлаша олади. Бу ҳақда NorthKoreaTech блоги хабар қилмоқда. Кореянинг ёпиқ давлат эканлиги боис бу маълумотни расмий манбалардан тасдиқлашнинг иложи бўлмаяпти.
Маълум бўлишича, янги провайдер хорижий сайёҳларга лимитсиз 1 Мбт/с тезликдаги интернет тармоқларини реализация қилмоқда. Бундай тармоқнинг ойлик нархи 660 долларни ташкил қилади.
Маҳаллий бозорда Koryolink фойдаланувчиларга фақат иккита хизмат таклиф қилар эди: меҳмонларга – хорижий қўнғироқлар, маҳаллий аҳолига – маҳаллий тармоқ. Бундан кейин Koryolink фақат туристлар билан шуғулланади, маҳаллий аҳолига эса Byol хизмат кўрсатади. Жумладан, яқин орада провайдер шаҳар аҳолиси учун Wi-Fi тармоғини ишга туширмоқчи.