Санкт-Петербургда Япония фуқаролигига эга бўлган шахснинг ўлими билан боғлиқ текширув олиб борилмоқда.

Олинган маълумотларга кўра, бу шаҳарга Япониядан иш излаб келган шахс ўзини осишга қарор қилган.

"2015 йилнинг 10 июль санасида София кўчасидаги 115-уй томида ўзини осиб қўйган японияликнинг ўлими бўйича тергов олиб борилмоқда. Марҳум Санкт-Петербургга иш сафари билан келгани аниқланган", дейилади Санкт-Петербург шаҳар тергов ишлари бошқармаси хабарида.

Piter TV телеканалида маълум қилинишича, Оиси Шинго исмли бу шахснинг жасади топилган бино заводига тегишли ҳисобланади. Унинг ёнида шахсини тасдиқловчи ҳужжат ҳамда Россияда ишлашга ҳуқуқ берувчи виза аниқланган.

Айни вақтда унинг бу қарорига қандай сабаб борлигини аниқлашга ҳаракат қилинмоқда.