“Милан” ҳужумчиси Стефан Ал-Шааравий ўз фаолиятини “Монако”да давом эттирадиган бўлди.

Монегасклар Италия терма жамоасининг 22 ёшли ҳужумчисини сотиб олиш ҳуқуқи билан бир йилга ижарага олинганини тасдиқлашди.

“Милан”, ўз навбатида, “Монако” ўйинчини кейинги ёзда сотиб олиш ҳуқуқига эга бўлмай, балки сотиб олиш мажбуриятини олганини аниқлаштириб ўтди.

Ал-Шааравий янги клубида 22 рақами остида тўп суради.

Аввалроқ “Монако” Ал-Шааравийнинг бир йиллик ижарасига 3 млн евро тўлаши, мавсум якунлангач, футболчининг нечта ўйин ўтказганидан қатъий назар 13 млн еврога сотиб олиши кераклиги маълум қилинган эди.

Ал-Шааравий “Милан”да тўрт мавсум давомида тўп сурган.