2015 йилнинг августида Самарқандда ўнинчи анъанавий халқаро “Шарқ тароналари” мусиқа фестивали бўлиб ўтади.
Жорий йилда ўзига хос юбилейни нишонлайдиган фестивал дастури ўз ичига бир қанча йўналишларни олади. Улар орасида анъанавий вокал, анъанавий миллий чолғу асбоби сингарилар муҳим ҳисобланади. Иштирокчиларни баҳолаш ишини халқаро жюри амалга оширади. Баҳолашдаги бирламчи мезон ижро этилаётган асарда миллий руҳнинг акс этиши, анъанавий колоритнинг мавжуд бўлишидир.
Танловда саралаш босқичига талабнома билан чиққан ҳар қандай давлат вакили бўлган профессионал ва ҳаваскор ижодий коллективлар иштирок этиши мумкин.
Танлов анъанавий тарзда Самарқанд шаҳридаги Регистон майдонида ўтказилади.