"Арсенал" жамоаси бош мураббийи Арсен Венгер ўз бошқарувидаги жамоанинг ёзги трансферлар вақтидаги ҳаракатларига изоҳ бериб ўтди.

"Мен эшикни бутунлай ёпиб олмоқчи эмасман. Агар жамоамизни кучайтира оладиган футболчи учраб қолса, уни харид қилишга ҳаракат қилиб кўрамиз. Лекин бизда барча чизиқлар кучайтириб бўлинган.
Менимча, ҳаммани бир ўзи енгадиган футболчи йўқ. Ҳаммани енгишга жамоавий ўйинни кучайтириш орқали эришиш мумкин, бизда эса жамоавий ўйин юқори даражада шаклланган. Биз ўз ўйинимиз сифатини ошириш орқали кучая оламиз.
Афсонавий футболчини излашга вақт сарфлагандан кўра, жамоанинг ўйинини яхшилашда давом этиш керак. Мавсумолди тайёргарлик вақтида захирадаги футболчилар ўзларини кўрсатишлари учун энг яхши вақт. Уларни асосий таркибга киритиб боришим мумкин.
Менинг бу фикрларим ёзги трансферлар ойнаси ёпилгунига қадар ўзгармаслигининг эҳтимоли юқорироқ", дейди Венгер.

Эслатиб ўтамиз, "Арсенал" ҳозирча биргина футболчини, "Челси"дан 11 млн евро эвазига Питер Чехни трансфер қилган.