Исроил бош вазири Биньямин Нетаньяху Эрон ядровий дастури бўйича қарор қабул қилинишини танқид остига олди. Бу ҳақда Reuters агентлиги хабар бермоқда.
“Эронга ядровий қурол йўли очилди. Бу борадаги ишланмаларни назорат қилувчи кўпгина чекловлар бекор қилинди”, – деди Исроил етакчиси Нидерландия ТИВ раҳбари билан Қуддусда бўлиб ўтган учрашувда.
“Бу келишув йирик тарихий миқёсдаги хатодир”, — хулоса қилди Нетаньяху.
Илгарироқ Эрон ҳамда воситачилар олтилиги ядровий дастур бўйича келишувга эришгани хабар қилинган эди. Эрон вакиллари келишув амалга ошганини тасдиқлади. Таъкидланишича, якуний учрашув бугун бўлиб ўтади. Учрашув якунларига кўра матбуот анжумани уюштирилади.