Мексикада Эль Чапо (Пакана) номи билан машҳур наркобарон Хоакин Гусман қочиб кетган қамоқнинг 49 ходими қўлга олинди. Бу ҳақда El Nuevo Herald нашри ёзмоқда.
Қўлга олинганлар ичида қамоқ директори Валентин Карденас Лерма, қўриқлаш бўлими ва маъмурият вакиллари бор. Улар Эль Чапонинг қочишига ёрдам беришда айбланмоқда.
Ички ишлар вазири Мигель Анхель Осорио Чонг воқеани тафтиш қилиш ишига раҳбарлик қилиш учун президент билан йўл олган Франция турнесини бекор қилди.
Қўлга олинганлар сони тез суръатларда ўсмоқда. 12 июль куни 18 киши ҳибс қилинган бўлса, 13 июль куни уларнинг сони 31 кишига етди. Айни пайтда 49 киши назорат остига олинган.
Эль Чапо 12 июль куни 10 м чуқурликда қазилган туннель орқали Альтиплано қамоғидан қочиб кетди. Туннелнинг узунлиги 1.5 км ни ташкил қилган. Тахмин қилинишича, жиноятчи бир гуруҳ ходимларни сотиб олган, бир гуруҳининг эса оиласига таҳдид қилган.