NASA агентлигига тегишли «Янги уфқлар» («New Horizons») космик аппарати Плутонга янада яқинлашди.

Агентликнинг хабар қилишича, бугун Тошкент вақти билан 16:50да объектнинг Плутон билан максимал яқинлашуви кузатилди – зонд митти сайёрадан 13 116 км узоқликдан учиб ўтди ва Плутон экваторини белгилашга муваффақ бўлган.

«Янги уфқлар» («New Horizons») зондининг қиймати 700 млн. долларга баҳоланган бўлиб, у 2006 йилда Плутонни ўрганиш учун йўлга чиқарилганди.

Маълумот учун, Плутон – қуёш системасидаги энг узоқ жойлашган сайёра бўлиб, 1930 йилда Клайд Томбо томонидан кашф қилинган. Аппаратнинг тезлиги 16 км/секундни ташкил қилади. 453 кг вазнга эга аппарат ҳаракатни тўғриловчи двигателга эга. Лекин у ёқилғи захирасига эга эмас, шу боис тўхтаб, Плутон орбитасига кира олмайди. Сайёра ёнидан учиб ўтиб, зонд Қуёш тизими чегараси томон парвозини давом эттиради.