Финляндиянинг Nokia компанияси 2016 йилда ўз бренди остида янги мобиль телефонлар яратиши мумкинлигини тасдиқлади.

Nokia да маълум қилинишича, компания янги маҳсулотларни ишлаб чиқариш, уларнинг савдоси, маркетинги ва фойдаланувчиларни қўллаб-қувватлашни ўз зиммасига оладиган ҳамкорни қидирмоқда.

Компанияда янги телефонлар бозорга 2016 йилнинг 4-чорагидан кейин чиқарилиши айтилмоқда, чунки Microsoft компанияси билан тузилган келишувга кўра, айнан шу муддатдан кейин Microsoft компанияга ўз брендидан фойдаланишга рухсат беради. 2014 йилда Nokia ўзининг телефонлар ишлаб чиқариш билан шуғулланадиган бўлинмасини бир неча йиллик пасайишдан кейин Microsoft га сотиб юборган эди.