Ўзининг "Путинфон" ва "Русофон"лари билан машҳур бўлган рус-итальян бренди Caviar телефонларни автомобил кўринишида безаш бўйича иш олиб бормоқда. Компания шу мақсадда Motore d’Oro коллекциясини намойиш қилди. Бу ҳақда "Hi-tech mail.ru" нашри хабар тарқатди.

Олдинроқ, мазкур компания мусулмонлар ва проваславлар учун диний Credo телефонини тақдим қилганди. Шунингдек, яқинда корхона томонидан махсус "Президент iPhone"и ва 3 миллион рубллик Apple Watch ақлли соатлари яратилганди.

Компания томонидан тайёрланадиган автомобил телефонлар устида ҳашаматли яхта ва мотоцикллар дизайнида ишловчи Даниэл Маццони иш олиб боради. Унинг дизайни Ferrari автомобилидан илҳомланган ва Ferrari LaFerrari русумли автомобил кузовини ёдга солади. Модель титан ва карбондан тайёрланган.

Мазкур янги турдаги телефон моделлари нархи 129 000 дан 169 000 рублгача сотилиши кутилмоқда.