“CITIZENFOUR. Сноуден ҳақида ҳақиқат” ҳужжатли триллери Россия кинотеатрларидаги намойишларининг 4 куни давомида ноижровий фильмлар орасида 2015 йилнинг энг кассабоп фильми бўлди. Бу ҳақда ВГТРК матбуот хизмати хабар бермоқда.

Фильм 3 млн рублдан кўпроқ касса йиғди ва кассабоплик бўйича «Диор ва мен», «Эверест. Мумкин бўлмаган нарсага эришиб 3D» каби ҳужжатли фильмлардан ўзиб кетди. Ушбу фильм охирги 10 йил ичида сиёсий документалистикада энг яхши стартни намойиш қилди.

Қайд этилишича, янги тарихда Россияда ёзда ҳали ҳеч қайси бир ҳужжатли фильм бунчалик муваффақиятли бошланмаган.

Ушбу ҳужжатли фильм бутун дунёга АҚШ ҳукуматининг ўз фуқаролари, бошқа давлатлар фуқаролари ва раҳбарлари орқасидан ялпи кузатув олиб борганини ошкор қилган, АҚШ махсус хизматларининг собиқ ходими Эдвард Сноуден ҳақида бўлиб, Сноуден фильм ижодкорлари билан махфий тарзда Гонконгда учрашган.