Бокс бўйича APB (AIBA Pro Boxing) турнири 60 кг вазн тоифасидаги жангларнинг барча 3та сериясига Тошкент шаҳри мезбонлик қилади. Ушбу мусобақанинг дастлабкиси 30 май куни ўтказилган ва ўшанда ўзбекистонлик Хуршид Тожибоев рақиби ирландиялик Дэвид Жойсни 3:0 ҳисобида мағлуб этган эди.

Айтиш керакки, Хуршиднинг бу галги рақиби илк жангда бразилиялик Робсон Консейсаони имкониятсиз қолдирган россиялик Дмитрий Полянский бўлади.
Эслатиб ўтамиз, айнан ушбу иккинчи учрашувда рақибини енга олган чарм қўл қоп устасига Рио-2016 олимпиадаси йўлланмалари тақдим этилади.
Тожибоев бу учрашувга қадар Польянский билан учрашган ва унда ғалаба қозонган. Ушбу жангларнинг учинчи босқич, яъни финалида ғолибликни қўлга киритган боксчи чемпионлик камарига эга бўлади. Бу учрашув ҳам Тошкентда 19 сентябрь куни бўлиб ўтади. Мусобақалар Ўзбекистон Бокс федерацияси, Ўзбекистон Маданият ва спорт ишлари вазирлиги, Ўзбекистон Миллий олимпия қўмитаси ва Халқаро ҳаваскор бокс ассоциацияси (AIBA) билан ҳамкорликда ўтказилмоқда.

Учрашувлар жадвали 60 кг

Ўтказилиш жойи: Тошкент, 18 июль куни, «Ўзбекистон» спорт саройи

Хуршид Тожибоев (Ўзбекистон) ва Дмитрий Полянский (Россия)
Дэвид Жойс (Ирландия) ва Робсон Консейсао (Бразилия)
Чарли Суарес (Филиппин) ва Доменико Валентино (Италия)
Читу Шафиқ (Бенин) ва Артур Бриль (Германия).