WhatsApp, Viber, Skype сингари интернет мессенжерлари телеком соҳаси назорати остида фаолият юритмайди. Бу ҳақда “Мегафон” компанияси раҳбари Иван Таврин айтиб ўтди.

“Бу бозорни Россияда ҳам, жаҳонда ҳам ўзгаришлар кутаётганидан шубҳам йўқ. Ўйлашимча, уни назорат остига олиш керак. Хавфсизлик ҳамма нарсадан устун бўлиши керак”, – деди у “Россия 24” телеканалига берган интервьюсида.

Тавриннинг айтишича, бу дастурлар фойдаланиш учун жуда қулай – уларда гуруҳлар яратиш ва медиафайлларни осонликча узатиш мумкин, лекин айнан шу жиҳат террорчиларнинг ҳам диққатини тортмоқда.