Андижон шаҳри марказидаги Бобур номидаги майдон қайта тамъирдан чиқарилди. Кенг кўламда олиб борилган таъмирлаш ишларидан кейин шаҳарликлар янада замонавий ва қулай майдонда истироҳат олиш имконига эга бўлишган.

Маълум қилинишича, майдонда 15 кун давомида таъмирлаш ишлари олиб борилган ва бу ишлар учун 1 млрд 671 млн сўм маблағ сарфланган. Таъмирлаш ишларига энг яхши қурилиш ташкилотлари ҳамда техникалар жалб этилган. Бу ҳудудда асосий ишларни бажаришни "Зухро таъмир қурилиш" пудратчи фирмаси ўз зиммасига олган.

"Зухро таъмир қурилиш" пудратчи фирмаси бош мутахассиси Абдумалик Тўйчиев бошчилигидаги ишчилар майдон ҳудудини кенгайтиришган ҳамда ҳудудга чорқирра тошлар ётқизиб чиқишган. Шунингдек, атрофга манзарали дарахтлар кўчатлари, бута ва гуллар ўтқазилган. Натижада, шаҳарнинг тунги қиёфаси кўркам ҳолатга келтирилган.

"Майдоннинг ташқи томонида кичик боғлар ҳосил қилинди. Озод Бозорбеков, Отабек Эргашев ва бошқа мутахассислар ўзларининг маҳоратларини кўрсатишди", дейди таъмирлаш ишларига бош бўлган Шуҳратбек Аҳмедов.

Қайд этиш жоизки, бу таъмирлаш ишларидан кейин майдон ўртасида мусиқали фаввора ўрнатилган. Фавворада монтаж ишлари "Акватех" ташкилоти томонидан амалга оширилган бўлиб, фаввора суви 10 метр баландликка отилади.

Майдоннинг очилиш маросимида маҳаллий ва ҳудудий бошқармалари, аъзолари, фахрийлар, жамоатчилик вакиллари ҳамда қўшни маҳаллалар аҳолиси вакиллари иштирок этган.