"Арсенал" жамоасининг испаниялик чап қанот ҳимоячиси Начо Монреаль Испанияга қайтиш арафасида турибди.

As нашрида ёзилишича, 29 ёшли ҳимоячи басклар жамоаси "Атлетик" билан 3 йиллик шартнома тузиш бўйича оғзаки келишувга эришиб бўлган.

Яқин вақтлар ичида "Арсенал" ва Бильбаонинг "Атлетик" жамоаси ўртасида ҳам трансфер шартномаси тузилиши кутилмоқда. Хабарда айтилишича, басклар бу футболчи учун 10 млн евро тўлашга розилигини билдиришган.

Қайд этиш жоизки, Монреаль 2013 йилнинг ёзида лондонликлар сафига келиб қўшилган ва 3 йиллик шартнома имзолаганди. Унинг шартномаси 2016 йилнинг ёзига қадар амалда бўлиши белгиланган. Венгер у билан шартномани узайтириш борасида бир қарорга келмаган. Баъзи хабарларга кўра у АҚШ чемпионатига йўл олиши ҳам мумкин.