Қарийб бир йил аввал Украинада Boeing нинг фалокатга учраши тафсилотларини ўрганаётган нидерландиялик экспертлар тайёрлаган ҳисоботда ушбу фожиада самолётга эгалик қилган Malaysia Airlines авиакомпаниясининг ҳам қисман айби борлиги айтилмоқда.

Ҳисоботга кўра, Malaysia Airlines Украина ҳудудидан парвозлар амалга ошириш хавфсиз эмаслиги ҳақидаги огоҳлантиришларга қарамасдан, фуқаролик уруши билан қамраб олинган давлат ҳудуди устидан рейсларни амалга оширишни давом эттирган.

Шунингдек, ҳисоботда авиафалокат учун асосий айб айирмачиларга қўйилган, голландиялик экспертларнинг фикрича айнан улар фуқаролик самолётини уриб туширганлар.

Ҳисоботнинг якуний версияси 2015 йилнинг октябрида чоп этилиши кутилмоқда.