13 июль куни Давлат рақобат қўмитасида Халқаро молия корпорацияси делегацияси билан учрашув ўтказилди. Делегацияга Европа, Марказий Осиё ва Яқин Шарқ молиявий секторига инвестициялар киритиш бўйича бош эксперт Наталия Богомолова раҳбарлик қилди.
Учрашувда шунингдек қўмита раиси Даврон Ҳидоятов, Ўзбекистон марказий банки раиси ўринбосари Аҳад Ҳайдаров ҳамда қўмитанинг бир қатор масъул ва раҳбар ходимлари иштирок этди.
Учрашув чоғида ХМК мутахассисларининг давлат активларини хусусийлаштириш жараёнига, корпоратив бошқарувнинг ривожланишига, мавжуд қонунчилик базасини такомиллаштириш, хорижий инвесторлар иштирокида тендер танловлари ўтказишга ёрдам бериши масалалари муҳокама қилинди.