"Арсенал" жамоаси Германия терма жамоаси ва "Шальке" ярим ҳимоячиси Юлиан Дракслерни трансфер қилиш ҳақида ўйламоқда.

Қайд этиш жоизки, бу футболчига "канонирлар" 3 йилдан буён қизиқиш билдириб келишади лекин немислар жамоаси Дракслер бўйича билдирилган барча таклифларни рад этган.

Bild нашрида ёзилишича, Арсен Венгер шу йилнинг ёзида 21 ёшли Дракслерни Лондонга олиб келишга жиддий бел боғлаган.
Хабарда айтилишича, "Шальке" жамоаси "Интер"дан Шердан Шакирини харид қилмоқчи ва бу ҳолатда у билан бир амплуада ҳаракат қиладиган Дракслер бошқа жамоага қўйиб юборилиши мумкин.

Маълумот учун, Дракслер ўтган мавсумда жароҳат туфайли атиги 15та ўйинда майдонга туша олди ва 2та гол урди. У 2010 йилдан буён "Шал`ке" аъзоси ҳисобланади.