Бомбей фонд биржаси аёлларнинг раҳбарлик лавозимларига тайинланиши бўйича муддатларни орқага сураётган, савдо майдонида битимлар амалга оширувчи 530та компанияни жаримага тортди. Бу ҳақда Reuters ахборот агентлиги хабар бермоқда.

Ўтган йили ҳиндистонлик регулятор квоталар киритиб, унга кўра Бомбей фонд биржасида савдо қилувчи ҳар бир ҳинд компаниясида битта аёл раҳбар ёки директор бўлиши кераклиги белгиланган. Бу ташаббус ҳинд компанияларида жинсий тенгсизликка қарши курашишга қаратилган.

Энди компаниялар 50 мингдан 142 минг рупийгача (790 доллардан 2240 долларгача) жарима тўлашларига тўғри келади. 2015 йилнинг 1 октябридан кейин ҳам раҳбар лавозимларга бирорта аёлни тайинламаган ҳар бир компания бирор аёл раҳбар тайинламагунига қадар кунига 5 минг рупийдан (78 доллардан) жарима тўлайди.

Шу билан бирга регулятор бошқа жазоларни қўллаши ҳам мумкин.