Ҳиндистон ҳукумати Нарендра Моди бошчилигида "яшил энергетика" дастури доирасидаги ишлар давом эттирмоқда.

Бу дастур доирасида поездларнинг томларига қуёш панеллари ўрнатиш орқали уларнинг қуёш энергиясидан фойдаланган ҳолда ҳаракатланишини йўлга қўйиш лойиҳаси ҳаётга татбиқ этилиши мумкин.

Маълумот учун, экваторга яқин жойлашган Ҳиндистонда деярли 300 кун давомида қуёш қизидириб туради.

Қуёш энергияси орқали ҳаракатланадиган поездларни йўлга қўйиш ғояси муаллифи, Ҳиндистон фан вазири Харш Вардхоннинг маълум қилишича, бу ғоя унда Solar Impuls самолёти парвозга чиқишидан кейин пайдо бўлган.

Тажриба сифатида ҳаракатланаётган "қуёшли поездлар"да қуёш панеллари ҳаракатланиш учун зарур энергиянинг 15 фоизини етказиб бермоқда.

Ҳиндистон ҳукумати бу тажрибалар ўзини оқласа, 2022 йилгача йўловчи поездларини қуёшли панеллар билан таъминлашни режалаштирган.