Эндиликда "Реал"нинг собиқ дарвозабони Икер Касильяс 14 июль куни Лиссабонга борди ва ўзининг янги жамоаси бўлмиш "Порту" раҳбарияти ҳамда мухлислар билан учрашди.

У "Порту" билан 2 йиллик шартнома имзолагани ҳақида аввалроқ хабар берилганди.

Жамоа расмий сайтида маълум қилинишича, Икер Касильясга 12 рақами берилган. Бу рақам остида аввалги мавсумларда ўйнаган Фабиано Фрейтес эса бироз олдинроқ, жамоани тарк этиб, "Фенербахче" сафига йўл олганди.

Маълумот учун, "Порту"да биринчи рақам жамоанинг кўп йиллик дарвозабони Элтонга тегишли ҳисобланади.