Стокгольм халқаро тинчлик масалалари тадқиқоти институти Эрон ташқи ишлар вазири Муҳаммад Жавод Зариф ва АҚШ давлат котиби Жон Керри номзодини тинчлик учун Нобель мукофотига кўрсатди. Бу ҳақда IRNA агентлиги хабар бермоқда.
Институт ушбу сиёсий арбобларнинг Эрон ядровий дастури атрофидаги масалаларни ҳал қилишдаги ўрнини муносиб баҳолаш тарафдоридир.
Илгарироқ Эрон ҳамда воситачилар олтилиги ядровий дастур бўйича келишувга эришгани хабар қилинган эди. Эрон вакиллари келишув амалга ошганини тасдиқлади. Якуний учрашув бугун бўлиб ўтади. Учрашув якунларига кўра матбуот анжумани уюштирилади.