Стокгольм халқаро тинчлик масалалари тадқиқоти институти Эрон ташқи ишлар вазири Муҳаммад Жавод Зариф ва АҚШ давлат котиби Жон Керри номзодини тинчлик учун Нобель мукофотига кўрсатгани ҳақидаги хабарни рад қилди.
Илгарироқ институт бу икки давлат арбоби номзодини тинчлик учун Нобель мукофотига кўрсатгани ҳақида IRNA агентлиги хабар берган эди. Аммо бу маълумот тасдиқланмади.
“Бу ходимларимиздан бирининг шахсий фикри эди. Институт бу масалада расмий қарор қабул қилмаган”, – деди институт вакили ТАСС мухбири билан мулоқот чоғида.
Ушбу шахсий фикрни билдирган ходимнинг шахси ошкор қилинмади.