Москва суди йўл-транспорт ҳодисасидан кейин ёнаётган машинада 3 нафар йўловчини ташлаб кетган BMW ҳайдовчисини ҳибсга олишга қарор чиқарди.

ЙТҲ 12 июль куни эрталаб Москванинг шимолий қисмидаги Беговая кўчасида содир бўлган. Дастлабки маълумотларга кўра, BMW 750 ҳайдовчиси тезликни 130 км/соатгача ошириб, ҳўл йўлда бошқарувни қўлдан чиқарган ва йўл четидаги тўсиққа бориб урилгач, ёниб кетган. Машинанинг 27 ёшли ҳайдовчиси Сергей Шувалов ва яна бир йўловчи автомобиль ичидан чиқиб, воқеа жойидан қочиб кетган, автомобилнинг орқа ўриндиғида ўтирган 3 нафар йўловчи эса ташқарига чиқа олмай, тириклайин ёниб кетган.

Ҳайдовчига нисбатан жиноий иш қўзғатилди.